Turismo internacional a sigui recupera di e crisis mas pio den su historia, ya cu e cantidad di yegada a alcanza na 84% di e nivelnan prome cu pandemia entre Januari y Juli 2023, segun e ultimo datonan di UNWTO.
Turismo ta na caminda pa un recuperacion total
E demanda turistico ta sigui mustra un resiliencia notable y un recuperacion sostenibel, hasta den cara di retonan economico y geopolitico. E Edicion nobo di E Barometro di Turismo Mundialdi UNWTO ta sigui e recuperacion di e sector durante 2023 te fin di juli. E Barómetro DI UNWTO ta mustra:
Na fin di Juli, yegadanan di turista internacional a alcanza 84% di e nivelnan prome cu pandemia. 700 miyon turista a biaha internacionalmente entre Januari y Juli 2023, 43% mas cu den e mesun lunanan di 2022. Juli tabata e luna mas activo, cu 145 miyon viaheronan internacional registra, aproximadamente 20% di e total di siete luna. E datonan di UNWTO ta mustra un biaha mas con turismo ta recuperando fuertemente den tur parti di mundo. Pero mientras nos sector ta recupera, e mester adapta tambe.
E Secretario General di UNWTO, Zurab Pololikashvili, a bisa: “e datonan di UNWTO ta mustra un biaha mas con turismo ta recuperando fuerte den tur parti di mundo. Pero mientras nos sector ta recupera, e mester adapta tambe. E fenomenonan meteorologico extremo cu nos a mira den e ultimo lunanan, y e retonan crítico di maneho di e fluho di turista cu ta crece, ta subraya e necesidad pa construi un sector mas inclusivo, sostenibel y resiliente y segura cu e recuperacion ta bay man den man cu e ideanan nobo di nos sector”..
Resultadonan pa region
Tur region di mundo a disfruta di cifranan di recuperacion sigur di turismo durante e prome siete lunanan di 2023, impulsa pa e demanda di viahenan internacional for di diferente mercado grandi: Medio Oriente a registra e mihor resultadonan di Januari -juli 2023, cu yegada di 20% riba nivelnan prome cu pandemia. E region ta keda e unico cu te awor ta surpasa e nivelnan di 2019. Europa, e region di destinaciom mas grandi di mundo, a alcanza 91% di e nivelnan prome cu e pandemia, apoya pa un demanda regional fuerte y viahenan for di Merca. Africa a recupera 92% di e bishitantenan prome cu e crisis den e periodo di siete luna aki y America 87%, segun e datonan disponibel.
Den Asia y Region Pacifico, e recuperacion a acelera te na 61% di yegada di nivelnan prome cu e pandemia, despues di e apertura di hopi destinacion y mercado na fin di 2022 y na cumienso di e aña aki. E Barometro di Turismo Mundial di UNWTO ta contene resultadonan pa region, subregion y pais, incluyendo destinacionnan cu mihor resultado den termino di yegada y entrada internacional durante e prome siete lunanan di aña.
Mirando den futuro
E resultadonan aki ta mustra cu turismo internacional ta sigui na caminda pa yega entre 80% y 95% di e nivelnan prome cu pandemia na 2023. E pronosticonan pa September-December 2023 ta mustra riba un recuperacion continuo, segun e ultimo Indice di Confianza di UNWTO, pero cu pasonan mas modera despues di e temporada halto di biahe di Juni-Augustus. E resultadonan aki lo ta impulsa pa un demanda ainda reprimí y un aumento den conexion aereo, specialmente na Asia y Pacifico, caminda e recuperacion ta modera ainda. E reapertura di China y otro mercadonan y destinacionnan Asiatico lo sigui impulsa biahenan tanto den e region como na otro parti di mundo.
E ambiente economico desafiante ta keda un factor critico pa e recuperacion efectivo di turismo internacional na 2023, segun e Panel di Expertonan di UNWTO.
Inflacion persistente y aumento di prijsnan di petroleo a conduci na mas gastonan di transporte y acomodacion. Esaki por afecta e patronchi di gasto pa e resto di aña, ya cu turista ta busca mas pa valor di e placa, viajando mas cerca di cas y haci viahenan mas cortico. curacaochronicle.com