Recientemente un empleada hopi aprecia di Blue Aruba Rentals, Blue Residences y Azure Residences Aruba, Sra. Marie-Elise Tromp a ricibi un bunita reconocimento for di AHATA, den cuadro di AHATA EXCELLENCE AWARD 2020.
Marie-Elise ta Reservations Agent pa Blue Aruba Rentals, Blue Residences y Azure Residences Aruba. Ya pa 6 aña Marie-Elise ta forma parti di e famia di Blue y Azure y ta un profesional cu mas di 30 aña di experencia den industria di hospitalidad. Marie-Elise ta hopi stima y aprecia pa henter e team di Blue y Azure. Den e temporada di crisis Marie-Elisa a sa di percura, na un forma deligente y profesional, pa tur e cambionan den reservacion manteniendo su actitud servicial di semper y na tur momento.
Maneho di Blue Aruba Rentals, Blue Residences y Azure Residences Aruba ta felicita Marie-Elise pa su reconocimento bon mereci y ta gradici AHATA pa duna atencion na e dedicacion y esfuerzo continuo di tur trahadornan den e sector di Hospitalidad y Turismo na Aruba.
