Frakshon di MAN ta yama pabien i bon bini na dr Yves Payo Schoop ku a huramentá komo parlamentario i awor ta forma parti di frakshon di MAN. Sr Schoop ya ta konosí komo ku el a yega okupá e funshon di parlamentario den nos frakshon. Alabes frakshon di MAN kièr informá pueblo di Kòrsou ku nos Lider di Frakshon ta sr Yael Plet . Un hóben ku a demostrá di ta serio den su trabou pa sirbi pueblo. Esaki sigur huntu ku su koleganan di frakshon. Banda di esaki a bini kambionan den komishon fiho di parlamento kaminda sr Schoop ta forma parti di e komishon di Soaw i Gmn i sra Giselle Enseñansa i sr Hato a drenta komishon di asuntunan doméstiko.
Ku e kambio aki frakshon di MAN lo sigui hasi e trabounan ku semper a keda hasi na bienestar di nos pueblo.