Pasahero ku ta biaha di Boneiru pa Hulanda no mester hasi un PCR tèst i na yegada aya nan no tin nodi di bai den karentena tampoko. Asina dòkter Marian Luinstra-Passchier di departamento di Salubridat Públiko a deklará. Ministerio di Salubridat Públiko, Bienestar i Deporte (ministerie van Volksgezondheid, Welzijn en Sport, VWS) a anunsiá 23 di dezèmber ku entrante 29 di dezèmber tur pasahero ku ta biaha di eksterior pa Hulanda mester hasi un tèst di PCR, e resultado mester ta negativo. Na yegada na Hulanda nan mester bai dies dia den karentena.
,,E ministerio a tuma e medida ei komo ku nan ta preokupá ku e vírùsnan kambiá ku a surgi na Inglatera i na Sur Afrika. E vírùs kambiá por surgi na otro pais tambe. E medida di e ministerio ta konta pa tur pais ku riesgo haltu. Boneiru no ta un pais ku riesgo haltu, Pasahero ku ta biaha di Boneiru pa Hulanda no tin nodi di wòri ku nan mester hasi e tèst i bai den karentena.” asina Luinstra-Passchier a bisa.
Pa mas informashon: https://www.rijksoverheid.nl/onderwerpen/coronavirus-covid-19/reizen-en-vakantie/inreizen-doorreizen-nederland-en-het-eu-inreisverbod/reizigers-van-buiten-de-eu-schengen