Recientemente 20 trahador pedagogico di differente centronan di cuido y guia di mucha a termina e curso di Prome Asistencia/CPR y Siguridad. E curso a wordo organisa pa Fundacion Pa Nos Muchanan y a consisti di un diamars anochi y un diasabra intensivo unda a siña con pa practica Prome Asistencia, CPR y siguridad paden y pafo di nan centro cuido y guia di mucha.
E parti di “Prome Asistencia y CPR” tabata na encargo di Rode Kruis y e parti di “Siguridad den y pafo di bo centro tawata na encargo di FPNM, alabes a enfatisa ariba e importancia Siguridad di candela, plan di evacuacion y con pa haci uzo di un brandblusser cu a ser duna pa Brandweer Aruba.
Un curso exitoso tras di lomba caminda FPNM ta gradici Brandweer Aruba y Rode Kruis pa nan tremendo instruccion y ta felicita cada trahador pedagogico, deseando nan exito den nan trabou cu mucha!
