Awe mainta ta e gran dia pa e piscadonan di Aruba E Wahoo Shootout ta un torneo di Sidney Ponson Charity Foundation, pa recauda fondo pa actividadnan cu e organisacion filantropico aki a organisa. Mainta tempran e piscadornan ta riba pia y a subi lama pa drenta bek den oranan di atari. E premio grandi ta un grandslam di 25 mil florin. E ta un competencia di Wahoo, Kingfish, Dorado y Baracuda, E Ganado lo ta e boto cu trece e 4 piscanan mas grandi di e torneo. No lubida cu nan mester ta 8KG of mas.
Pa 12 or di merdia Aruba completo por yega Varadero pa pasa un atardi di famia y mira e resultado cu e piscadonan a bin cu ne aden. Un diasabra di ambiente cu N’FUZION, Dr Eli. Y Rincon Boys cu lo trece un ambiente unico na Varadero. Tambe tin cuminda y bebida. Pasa un dia ameno cu bo famia trankil banda di lama na varadero. Aki bo por cumpra un ticket pa solamente 10 florin unda cu bo por gana diferente premio.
