Copa Aruba Bank Liga Plata 5 x 5 den futbol femenino a continua diadomingo ultimo riba e canchanan di mini turf na Estrella y Britannia cu e di 5 buelta.
Riba tereno di Estrella, e ekipo di La Fama ta vence Dakota 2 – 1. E golnan di La Fama ta bini di Ciney Flemming y Angela Angela mientras pa Dakota ta anota Kristel Lyder. Den e di dos partido, e ekipo di Bubali ta gana Estrella 1 cu e score di 6 – 1. E golnan di Bubali ta wordo anota pa Rachelle Mora, Kristeen Brete, Ceci Ann Morillo cu dos gol y Tamika Almary cu tambe ta anota dos gol.
Riba tereno di Franklyn Bareno na Piedra Plata nos a haya den e prome wega, e ekipo di Arsenal ta gana RCA cu e score di 2 – 0. Den e wega aki e golnan di Arsenal a wordo anota pa Sergaine Morillo y Lucienne Morillo. Den e di dos wega, Britannia ta gana Estrella 2 cu e score di 2 – 1. e golnan di Britannia a bini di Zi-Anne Loepstok y un auto gol di Estrella.
