Kiwanis Club of Palm Beach Aruba (KCPB) ta sumamente contento di
anuncia cu a firma un acuerdo di cooperacion importante cu fundacion Neptali
Henriquez Park, cual lo garantisa e continuidad di e parke di recreacion pa mucha. E
acuerdo aki ta importante pa e muchanan tin un lugar safe pa hunga y pa sigui promove
bienestar di e comunidad.
‘Neptali Henriquez Park tin un luga special den nos curason como un area recreativo
unda famianan ta reuni y muchanan ta hunga’. Cu e acuerdo aki, Kiwanis Club of Palm
Beach ta demostra e compromiso na garantisa cu e parke ta keda den bon estado y ta
un lugar safe pa tur bishitante.
Kiwanis Club of palm Beach ta extende un danki na tur miembro di e club y na e
directiva di Neptali Henriquez Park, dirigi pa Sr. Ben King, pa haci e cooperacion aki
posibel. E compromiso cu Neptali Henriquez Park, ta un testimonio di nos vision di crea
un area di hunga pa tur muchanan di nos "dushi" isla di Aruba.
Un danki ta bai na tur patrocinado, contribuyentenan, prensa y e pueblo en general pa
haci nos eventonan di FUNdraising posibel y exitoso, pa asina nos por keda yuda nos
comunidad y apoya nos muchanan.
Kiwanis International ta un organizacion caritativo mundial, dedica na haci nos mundo
mihor door di impacta un comunidad pa medio di un mucha cada bez. Mas informacion
por haya riba: www.facebook.com/kiwanispalm beacharuba
