Riba anochi di 20 di Mei 2022 e di 30 edishon di e Buèlta di Aruba ta bai start. E evenementu di kareda, organisá pa Kazèrne di Marina Savaneta, ya ta eksistí desde 1971. Dos marinir un tempu pasá a reta nan mes pa kore ‘solo’ rònt e isla. Desde e momento ei e idea aki a krese bira un evenementu ku anualmente ta ripití. E distansha ta 72 kilometer di largura, lokual pa gran parti ta sigui a lo largu di kosta di e isla i ta un di e karedanan di mas pisá i largu den Region Karibe. Gobernadó di Aruba, Su Ekselensia Alfonso Boekhoudt, a duna e sisparo pa salida.
E aña aki ta spera ku lo presentá alrededor di 800 partisipante na e punto di salida. Por kore e ruta di 72 kilometer komo indivíduo, komo duo òf ku un tim di kareda di relevo. E aña aki un kantidat rekòrt di partisipante a inskribí pa kore e buèlta komo individuo. En total tin den esaki 20 hòmber i muhé. E otro partisipantenan i timnan ta kuminsá entre 20.00 i 00.00 or riba djabièrnè anochi. Kada minüt un tim òf duo nobo lo start.
Durante e periodo di Corona, e Buèlta di Aruba a kontinuá den un forma adaptá. E aña aki a skohe pa bolbe bek stap pa stap na e Buèlta di Aruba manera mayoria hende konos’é. Públiko manera ta kustumbrá ta mas ku bon biní a lo largu di e ruta pa enkurashá i aploudí e koredónan. Ademas di esei na kada un di e pòstnan di kambio lo por tende músika pa públiko i partisipante.
