Curacao

Wardakosta ta interseptá boto ku indokumentadonan ariba

Wardakosta Ta Intersepta Boto Ku Indokumentadonan Ariba

Ayera nochi Wardakosta a detektá un kontakto sospechoso den bisendario di Kòrsou. Mesora e Sentro di Operashon Marítimo di Wardakosta a dirigí e cutter Jaguar i un Metal Shark na e lokalidat di e boto sospechoso pa interseptá esaki. Na bordo di e boto kual tabata hopi chikitu, e agentanan di Wardakosta a enkontrá un kandidat grandi di persona. E boto i e indokumentadonan a ser hiba na e pir di Wardakosta. Na total tabatin 31 persona na bordo di e boto, di kualnan 7 hende muhé i 24 hende hòmber inkluso 3 menor di edat. Tur e personanan a ser entregá na Kuerpo Polisial di Kòrsou ku lo sigui ku e investigashon di e kaso.

Wardakosta lo siguí patruyá pa asina kontrolá e fronteranan marítimo di Kòrsou. E patruyanan lo vigilá i protehá e fronteranan di transportenan di droga, trafikashon di hende i di arma konhuntamente ku Kuerpo Polisial di Kòrsou. Abo komo suidadano alerta tambe por yuda Wardakosta. Na momento kubo mira algu sospechoso riba laman òf na kosta, bo por informá Wardakosta riba e number 913 òf via whatsapp 510 0913. E numbernan akí ta alkansabel di dia i anochi.

Wardakosta Ta Intersepta Boto Ku Indokumentadonan Ariba2

Related posts

Giselle Rosalia number un riba lista di Causa Prome

EA News Author

Plan di akshon integral nashonal pa seguridat sibernétiko entrega na Minister Charles Cooper

EA News Author

Diferente miembro di parlamento di Korsou a biaha pa panama pa reunion Parlatino

EA News Author

Leave a Comment

Whatsapp Message