Durante un atardi ameno na su sede Movemento Causa Prome a presenta su lista pa eleccion di 21 di maart 2025. A base di un maneho sostenibel basa riba e proverbio “na punt’i cabuya bieu ta conopa nobo” Giselle Rosalia ta number uno riba lista di Causa Prome pa eleccion 2025. Causa Prome ta kere den relevo y a prepara y ta duna confiansa na un hoben di un generacion mas hoben pa garantisa continuidad. Giselle Rosalia ta bon prepara, bon motiva, capacita, envolvi y dicidido. E ta cla pa enfrenta e gran reto.
Causa Prome su lista ta encabesa pa Giselle Rosalia mientras cu Irene Martha ta cargado di lista. Lider politico mr. dr. Rene Rosalia ta na number 6 un puesto strategico. For di number 6 dr. Rosalia lo sostene, carga y yuda pusha e top 5 di Causa pa logra un of mas puesto den parlamento. E top 5 di
Causa Prome ta consisti di Giselle Rosalia, drs. Ellen Maduro Jeandor, Indira Boelbaai, Roderick Rosaria y Mariane Isenia.
Demas miembronan riba lista ta Clinton Johanns, Karel Martien, Rudsel Mathilda, Jose Zimmerman, Ilca Williams y Irene Martha. Despues di presentacion di lista a sigui presentacion di un mural pabou di sede di Causa Prome . E dicho riba e mural ta expone e siguiente berdad: “Solamente un pueblo consciente ta haña e gobierno cu e ta merece.” Causa Promé ta mira bek riba un atardi exitoso.