Diaranson algo prome cu 8 ‘or y mey di anochi central di polis a haya un caso di maltrato. Mesora a dirigi un patruya na e sitio pa asina atende cu e asunto. Ta trata di un caso hopi lamentabel. Un dama tabata drumi trankil den su cas na Madikikavel y su pareha a yega pidi’e su placa di tips, e dama no a duna e homber placa y asina a surgi un discusion cu a bay completamente for di man. Lamentablemente homber a agredi e dama lagando e seriamente herida.
E homber a dal e señora asina duro cu hasta ta sospecha cu a kibra su cashi wowo. E homber sinberguensa ta di nacionalidad Haitiano y na momento cu polis ta yegando na e cas e homber cobarde a huy for di e sitio den un Toyota Yaris preto grijs A-22485. Awor e homber M.Lucien ta sospechoso principal den e caso serio di maltrato cu a tuma luga contra di un señora di 60 aña. Na e sitio aparentemente por a compronde cu e homber ta traha na un compania di siguridad. E caso lo bay den investigacion.
