LocalFeatured

Parlamentario Shailiny Tromp-Lee (MEP): Mundo deportivo hayando e atencion cu e merece

Parlamentario Shailiny Tromp Lee

Siman pasa nos a habri siman cu un tremendo anuncio pa e mundo deportivo di Aruba, caminda un contracto mas beneficioso pa Aruba a keda firma pa loke ta trata Fundacion Lotto pa Deporte y CBN y nos a sera siman cu un otro tremendo noticia.

Diabierna ultimo mi a asisti na e ceremonia oficial caminda Gobierno a anuncia inicio di renobacion di Compleho Deportivo Guillermo Prospero Trinidad na Dakota. Durante e actividad a hiba palabra nos Evelyn Wever-Croes, Minister President, Minister Endy Croes y presentante di Bohama cual ta e compania cu lo realisa e trabou di renobacion den 8 luna. Durante discurso hiba a accentua cu e stadion ta rico na historia y cu pa hopi hende e tin un lugar importante den nan memoria. Sigur nos no por lubida cu den e stadion aki, na aña 1976, nos a hisa Aruba su Bandera y a canta y toca nos Himno pa prome biaha. Mas cu tur cos a keda subraya con importante e stadion ta pa e ramonan di deporte futbol y atletismo. Pesey mes mi ta aplaudi e atencion cu ta keda duna na su renobacion completo na beneficio di nos deportistanan.

Pabien na nos deportista, dirigentenan y fanicadanan. Aki 8 luna boso lo tin un compleho cu ta cumpli cu tur exigencia.Tambe un pabien y gradicimento na Minister Endy Croes cu ta haci e inversion aki posibel y tambe na Canadian Bank Notes (CBN) cu lo aporta financieramente tambe na realisacion di e proyecto aki.

Mundo Deportivo Hayando E Atencion Cu E Merece...05 ScaledMundo Deportivo Hayando E Atencion Cu E Merece..05Mundo Deportivo Hayando E Atencion Cu E Merece..03Mundo Deportivo Hayando E Atencion Cu E Merece.01Mundo Deportivo Hayando E Atencion Cu E Merece

Related posts

Presidente di Parlamento Edgar Vrolijk: Lo evalua si lo publica lista di presencia na pia di trabao durante aña parlamentario

EA News Author

Pronostico di tempo diaranson 14 di september 2022

EA News Author

Proyecto di Reorientacion di PES ta transferi plantanan na un sitio nobo pa planta

EA News Author

Leave a Comment

Whatsapp Message