Recientemente Tiger Taekwondo Academy a participa na e competencia Classificatorios Panamericanos 2023 na Brazil. Como representante Aruba tawata tin Saray Chirinos cu a competi den 4 pelea pa clasificacion. E prome pelea contra Honduras, Saray a logra gana pa superioridad. E siguiente pelea tawata contra e atleta number 1 den ranking internacional Andrea Ramirez “Chulca” di Colombia den categoria -49. Tin cu bisa cu Andrea Ramirez ta atleta olimpico cu tawata 3 biaha campeon mundial. E siguiente tawata contra e number 5 mundial di Canada y despues di un pelea interesante, Canada a logra gana. Aki Aruba no a logra clasifica pa e campeonato Chile 2024. Tiger Taekwondo Academy ta sigui kere semper den tur su atletanan y ta gradici tanto Federacion di Taekwondo di Aruba como e pueblo di Aruba cu ta contribui positivamente cu e academia. E siguiente meta ta logra gana durante di e weganan Centroamericanos na Republica Dominicana desde 22 di april proximo.
