Partido MAN: Aña eskolar nobo mester ta un di inovashon i kambio

Nos ta na komienso di un aña eskolar nobo kaminda nos hobennan ta bai sigui forma nan mes pa karga nos pais pa futuro. Na nos dosentenan nos ta desanan forsa i eksito ku e aña eskolar nobo. Apesar tur reto boso a sa di duna tur ku tin pa logra e mihó resultado. 

Ultimo 2 añanan a traha i presentá e “nulmeting” di enseñansa i awor a keda na duna kontenido na esaki, kaminda Gobièrnu ta bini ku maneho konkreto di kambio. E kambio aki ta rekerí un debate serio den nos parlamento i dialogo ku tur partner den enseñansa, manera sindikato, direktivanan di skol i e personal, pa huntu determiná e rumbo i maneho di kambio. 

Pa MAN e aña aki mester ta di inovashon kaminda nos ta ehekutá e plan digitalisashon di enseñnsa. Kaminda teknologia ta forma parti karnidal di e forma di eduká i forma nos hobennan. 

Kambio den nos enseñansa kaminda inplemantashon di kambio den nos sistema kaminda alsa e nivel, kalidat i e konotashon di nos enseñansa na e merkado laboral. Nos enseñansa mester ta e metodo ku ta duna e oportunidat i perspektiva pa nos hobennan. Maneho di idioma ku tin basta aña kaba ku nos diskutí riba dje. 

E kambio ku nos ta deseá ta riba tur nivel di nos edukashon i pa tambe invertí den e dosente i material ku ta importante i nesesario. 

MAN ta desea nos alumnonan, dosentenan pero tambe mayornan un aña eskolar fruktifero i ku huntu nos traha riba mehorashon di tur aspekto den nos enseñansa.