E atkisishon nobo di Marina Real, “Hydrograaf” a yega Kòrsou pa ehersé pruebanan di klima kálido i estudionan hidrográfiko.
Desde su ingreso na Marina aña pasá, e Hidrógrafo a konstruí rápidamente un reputashon, siendo lo último komo barku ku sistemanan avansá hidrográfiko, di nabegashon, i di komunikashon. Ku esaki e barku ta kapas di registrá ku presishon, awanan, hafnan i kanalnan di nabegashon. E kapasidat aki ta hunga un ròl esensial den nabegashon ku seguridat riba rutanan marítimo i den e mantenshon di seguridat di e awanan di Region Karibe.
Durante e estadia den region di Kòrsou i Aruba, e Hidrógrafo lo realisá pruebanan ekstenso i rekompilá datonan hidrográfiko. Esaki ta kontribuí na un mihó komprendementu di e fondo marino i e korientenan di marea den e region aki.
Komandante di e Hidrógrafo, Teniente Naval Segunda klase, kategoria mas antiguo, Leon Hartenberg, ta enfatisá: “E Hidrógrafo pa motibu di su limitashon di profundidat, ta ideal pa rekompilá datonan den awanan ku tiki profundidat tambe. Ta utilisá e datonan aki pa aktualisá mapanan nóutiko eksistente i otro publikashon nóutiko i ta mantené esakinan aktualisá. Ku esaki Defensa ta aportá na e nabegashon sigur riba e rutanan di akseso marítimo.
Un bon konosementu di e entorno marítimo ta esensial pa apoyá e diferente tareanan di Reino den Region Karibe Hulandes.’’
E Hidrógrafo ta bolbe bek Hulanda despues di e pruebanan.
