Frakshon di PAR a tuma nota di e Reunion Públiko riba e tópiko di Curaçao Data & Television
mas mihó konosí komo Telecuraçao riba agènda di Parlamento di Kòrsou pa awe 12 di yanüari
2024 a base di un petishon pa un Reunion Públiko riba 6 di yüni 2023. Miéntras tantu den 6 luna despues di petishon pa e reunion, vários akontesimentu a tuma lugá, inkluyendo vários kaso den korte relatá na resultado di e rapòrt Forensiko i ku lo finalisá a korto plaso.
Teniendo kuenta ku e realidat eksepshonal aki, Frakshon di PAR ta konkluí ku e momentunan aki ta mas oportuno pa wanta ku tratamentu di e reunion, te momentu ku tin un bista mas kla di e realidat di Telecuraçao. Despues di deliberashon interno i ku Parlamento a hasi entrega di un karta den kual ta retirá e petishon pa Reunion Públiko esaki konforme karta di 6 yüni 2023 i alabes a hasi un petishon pa
por risibí e rapòrt di Caribbean Forensic i otro dokumentonan nesesario pa por ta adekuadamente
informá di e situashon di Curaçao Data &Television ( Telecuraçao) i asina por deliberá riba
esaki.
