Ora aña kumisa hopi hende ta pone meta nan nobo i propositonan personal nan dilanti. Nos ta
kasi drenta februari i ta normal ku algun persona ja a kibra ku nan promesa nan hasi na nan mes
pa 2025.
Tin various faktor ku ta hasi ku bo kresementu personal eksitoso. E 2 komponente nan di mas
importante ta pabo ta konsitente i real kubo mes. Silvetty de la Paz ta un empresario dinámiko ku un konvikshon pa empoderá individuonan enfokando riba kresementu personal i profeshonal. E ta CEO di Nostra Growth i ta spesialisáden yuda lidernan elevá abilidatnan i yega na nan potensial máksimo, poniendo atenshon riba e asina yamá ‘soft skills’. Silvetty de la Paz ta e organisadó di ‘SHE Leads’ i
alabes un trahadó di brùg pa yuda lidernan femenino den nan proseso di desaroyo i kresementu.
For di 2022, Silvetty de la Paz a bini ta impaktá alrededor di 500 lidernan femenino na Kòrsou,
Aruba i Colombia. Regularmente nos ta tende ekseperensianan bunita i inspirativo di
transformashon i kresementu den liderazgo di partisipantenan.
Silvetty lo bai tei na Boneiru dia 31 di januari I 1 di februari 2025. Su mishon i proposito
personal pa ku e wikent na Boneiru ta pa guia hende muhe pa konekta ku nan kurason den tur
esensia. Alabes e lo trata e tema kon pa transforma limitashon den algun stap konkreto pa logra
eksito.
Tin 2 evento ku por partisipa na dje, durante di e meet & greet dia 31 Jan 2025 pa 12:30 na
Corallium bo por sera konosi ku Silvetty den un evento gratis. Silvetty lo habri espasio pa bo
hasi pregunta of duda ku lo bo por tin.
Riba 1 Februari di 10:30 pa 12:30, Boneiru lo konose SHE-nergy! SHE-NERGY TA UN
EVENTO PA INSPIRÁ, PA DESKUBRIMENTU PROPIO I
KRESEMENTU EKSEPSHONAL!
Durante di un seshon interaktivo nos lo bai elaborá riba kon bo por logra kresementu dor di
desaroya bo liderazgo personal pa asina tuma kontròl di bo bida.