Entidat públiko Boneiru ta haña ku ta di gran importansia ku tur mucha ku siman pasá a pèrdè nan lugá di akohida debí na seramentu di un lokalidat di akohida pa mucha, mas rápido posibel por akudí atrobe na un akohida adekuá.
A duna dispensashon parsial
E organisashon di akohida en kestion entre tantu a tuma akshon i a haña un dispensashon parsial for di entidat públiko Boneiru. Esaki ta enserá ku por lo pronto e lokalidat ta keda será pa e gruponan di akohida despues di skol. E parti akí ta keda será te ora ku e doño hasi e adaptashonnan rekerí pa kumpli ku e eksigensianan vigente.
Sosten pa mayornan
Pa yuda mayornan haña un lugá di akohida alternativo, ‘FrontOffice Kinderopvang’ ta brinda sosten kaminda esaki ta nesesario. Mayornan ku tin pregunta òf ku tin mester di yudansa, por akudí na bali di direktorado di Komunidat i Kuido.