Esunnan cu kier campa mester pidi un permiso, esunnan cu no a pidi permiso ya caba no tin oportunidad pa haci esaki mas. Cuerpo policial a sinta cu esunnan cu a haya e permiso pa asina por pasa riba e reglanan cu e permiso tin pa asina tur hende ta riba e mes un liña. Vocero di Polis Liliana Rasmijn ta indica cu dia 13 April awo despues di 12 or di merdia por cuminsa campa y te cu dia 27 di April por campa.
Tur esnan cu ta campa sa kende nan tur lo ta na lama y ta conoce otro, tambe city inspector tabata presente y Rode Kruis. Polis di Bario tabata presente den e reunion cu e personanan cu tin permiso pa campa. Den e reunion a pasa den tur e reglanan y recorda kico por y no por, porehempel bo no por corta mata, no por pone carbon den santo blanco, tira bon bista riba e muchanan , ta cordial cu otro. Tambe loke ta hopi importante ta cu mester corda riba e musica unda cu den siman por toca te cu 8 or di anochi y den weekend por toca te cu 12 or di anochi tanten cu e no ta un molester pa bisiña.
Lo tin un reunion mas na caminda unda cu nan lo conoce nan post unda cu nan por campa. Ta mustra cu e aña aki tin hopi mas hende ta campando principalmente na San Nicolas. Durante di e temporada polisnan lo keda controla y ta pesey mes mester percura pa e permiso di campamento mester ta visibel na un tent.