Ku hopi entusiasmo e proyekto Greenkidz Boneiru a ranka sali. En total diestres fasilidat pa akohida despues di skol ta partisipá na e inisiativa edukashonal akí. E meta ta pa hasi e muchanan konsiente di e importansia di prevenshon di sangura.
Siña pa medio di hasi
Greenkidz Boneiru ta basá riba un proyekto komparabel ku Greenkidz Kòrsou. E programa ta destiná pa mucha di ocho pa diesdos aña. Den un seri di lès interaktivo i kreativo nan ta siña kon nan mes por yuda prevení luga di brui di sangura. Di e manera ei nan ta kontribuí na nan propio salú i na un isla limpi.
Kolaborashon ku GGD Boneiru
E lèsnan ta tuma lugá den luna di yüni i yüli 2025. E seshonnan ta na enkargo di e tim di Vèktor Kontròl di GGD Boneiru na diferente fasilidat pa akohida.
Invertí den un futuro salú
E proyekto di Greenkidz Boneiru no ta solamente kompartí konosementu, pero e ta traha tambe pa logra un ambiente di biba mas salú. Pa medio di konsientisá nos muchanan, e proyekto ta pone un paso importante den direkshon di un Boneiru mas salú.
