Basá riba artíkulo 5 di e ‘Landsverordening ambtelijk bestuurlijke organisatie’ e Ministerio di Gobernashon, Planifikashon i Serviso Públiko(BPD) tin entre otro e tarea pa sòru pa promoshon di implementason di tèknologia den komunidat i pa un maneho di informashon i di desaroyo teknologiko. Pa e motibu aki den artíkulo 15 di e lei, tin un sektor ‘Planning en Informatie Technologie’ pa ehekutá e tareanan aki. Den medionan di komunikashon a sali ku un atake di ‘ransomware’ a tuma lugá na Servisio di Impuesto, tambe di posibel problema di seguridat digital di dato na Departamento di Enseñansa. Ademas nos tin informashon ku ORV (Instituto di Entrenamentu pa Hustisia i Siguridat) a pasa den problema di ‘ransomware’ òf ‘hacking’, ku no a keda indiká públikamente.
Nos a tuma nota tambe di publikashon ku Korte di Hustisia tambe a keda konfrontá ku un atake sibernetiko. Na St. Maarten i Hulanda tambe ta enkontra situashon di atake sibernetiko riba diferente instansia manera Ministerio Publiko Hulandes. Ku e diferente kasonan menshoná nos por tuma nota ku diferente servisio di gobièrnu ta bou di un menasa.
Den mesun rosea medionan di komunikashon ta raportá e intenshon pa digitalisá nos sosiedat mas, por ehèmpel den transporte públiko i servisionan di pago kual lo mester hasi servisionan mas fasil pa e hende. Den un reuda di prensa di 31 di yüli 2025, minister di Trafiko, Transporte i Planifikashon Urbano a anunsiá e intenshon pa Kòrsou bira un plataforma digital independiente pa uso Inteligensia Artifisial (AI) den Karibe.
Frakshon di MAN- PIN ta di akuerdo ku inovashon i digitalisashon, pero un di e kondishonnan pa desaroyo di e sektor aki ta, tantu pa nos na Kòrsou komo usuarionan internashonal, e garantia di un ambiente di seguridat sibernétiko. Nos ta konsiente ku e maneho ta mishi ku hopi area di gobernashon, manera entre otro seguridat nashonal, seguridat sibernétiko, kriminalidat sibernétiko, protekshon adekuá di datonan personal, kapasidat di reakshon di instansianan gubernamental riba atakenan sibernétiko, ròl di College Bescherming Persoongegevens i ekspanshon di servisionan digital.
Pa e motibu aki frakshon MAN-PIN ta hasi e siguiente preguntanan konforme artíkulo 96 di reglamento di ordenvdi parlamento, konsiente ku minister lo ke kordiná e kontestanan ku otro ministerionan.
Señora minister tin un nota di maneho ku ta atende ku planifikashon i atendementu ku digitalisashon di servisionan di gobièrnu i kon ta atend’e na mometnu di atake sibernetiko?
Señora minister, por konfirmá si bèrdat a tuma lugá intento of atake sibernétiko na e sistema digital di servisionan di gobièrnu manera, Servisio di Impuesto, ORV, Departamento di Ensenansa of otro ministerio?
Kon e situashon ta pa otro instansinan manera servisionan di utilidat ku tambe ta parti di nos sektor kolektivo di gobièrnu, ku ta keda kategorisá komo infrastruktura kritiko, por ehèmpel RdK, Aqualectra, Hospital, etc)?
Señora minister, ta bèrdat ku Servisio di Impuesto a keda atvertí pa un kompania ku ta spesialisá den “ethical hacking & sibernetic security” (wak: Antiliaans Dagblad di 27 di yüli 2025) di e vulnerabilidat di nan sistema? I si ta bèrdat, kiko a hasi pa evitá e atake sibernetiko?
Por duna aklarashon si tin un maneho di prevenshon i mitigashon na Servisio di Impuesto, ku por sierto tin informashon di nòmber, adres, number di telefòn, number di kuenta di banko, entreda, ets.di suidadanonan di Kòrsou?
Señora minister, ki akshon a tuma una bes ku atakenan sibernétiko a tuma luga?
A determiná e tipo i enbergadura di e atake sibernetikonan aki? Kiko e determinashon ta enserá?
Pais Kòrsou tin un entidat nashonal ku pa ley ta enkargá ku response den kaso di un insidente sibernétiko (Nationale CSIRT/CERT)? E Team aki ta sentral, nashonal, of sektoral?
Kon e monitoreo di amenasanan sibernetiko, tambe komtesta (response) den kaso di un atake sibernétiko, ta keda kubrí pa e 9 ministerionan di Gobiernu di Kòrsou? Tin un maneho ku medidanan delineá pa esaki? Tin un CERT pa sektornan kalifiká komo infrastruktura kritiko (RdK, Aqualectra, Hospital, etc)?
Pa e kompanianan i fundashonnan di gobièrnu di Kòrsou tin un CERT (Computer Emergency Response Team) sea sentral/nashonal of kada unu tin un CERT sektorial?
Kiko tabata e ròl di CERT nashonal esta si e ta eksisti, of sektorial si e ta eksisti, durante di e insidentenan menshoná i posibel insidentenan no menshona?
Kon e CSIRT Nashonal of e diferente CSIRTs ta reglementá den lei? Si no tin un lei, kon ta pensá pa regulá esaki den lei?
eda aktivá, kon i kiko ora esei a tuma luga?
CARICERT, ku ta parti di, maneha pa òf ubika na RAC, antes BT&P (Bureau Telecommunicatie i Post Curaçao) a keda notifiká di e insidentenan? Si no ta asina, dikon no?
Kon grandi e impakto di e atake sibernétiko tabata riba funshonamentu di Sevisio di Impuesto, ORV, departamentu di Enseñasa i posibel otro ministerionan?
E atake sibernétiko na Servisio di Impuesto a komprometé, blòkia i/o revelá datonan krítiko of afektá infrastruktura? Ki tipo di dato i kuantu hende a keda afektá? E atakennan por keda atribuí na un grupo spesífiko i ku kua propósito e grupo a aktua?
Kuantu ta kalkulá e impakto financiero relashoná ku e atake aki? Medidanan èkstra tumá manera: fly-in eksperto, extra hard and software, etc?
Commissie Bescherming Persoongegevens (Kolegio pa Protekshon di Datonan Personal) a keda notifiká (PB 2017, no 87)? Si e konstestá ta no, dikon no?
Tin un protokòl di kooperashon entre ministerionan, kompanianan i fundashonnan di gobièrnu ku CARICERT i tambe eventual CERT’s den kaso di menasa of insidente sibernétiko?
un struktura di koordinashon sentral pa ministerionan, kompanianan i fundashonnan di gobièrnu?
Tin plan di “incident response” i “business continuity” aktuál ku a keda presenta na e ministerionan? E plannan a resulta efikas?
Por indiká si ministeriona, kompanianan i fundashonnan di gobièrnu periodikamente ta hasi análisis di riesgo riba infrasturkutra digital? Ta kompartí resultadonan ku eventual CERT(s), CARICERT, College Bescherming Persoongegevens of otro instansia?
Tin un funshonario pa protekshon di dato personal na kada ministerio i den e kompanianan i fundashonnan di Gobièrnu?
Tin un funshonario pa protekshon di dato personal na kada ministerio i den e kompanianan i fundashonnan di Gobièrnu?
E ministerionan ta reportá datalek of breach di seguridat?
College Bescherming Persoonsgegevens, komo esun ku pa lei tin ku supervisá ehekushon di e landsverordening bescherming persoongegevens, ta entrega un relato anual?
Ministernan ta dispuesto pa introdusí un maneho pa instruí e ministerionan, kompanianan i fundashonnan di Gobièrnu pa nan raportá datalek of breach di seguridat?
Ta konsiderá seguridat digital i kapasidat di respuesta di e servisionan gubernamental i kompanianan i fundashonnan di Gobièrnu komo sufisientemente robustu?
Ki medida struktural tin pa fortalesé e uso di sistemanan digital, spesifiká según lei, norma, set-up di sistemanan i entrenamento?
Nos a tuma nota ku na aña 2022 minister di Trafiko, Transporte i Planifikashon Urbano a nombra un grupo di trabou pa bin ku rekomendashonnan pa un Nationale Cyber Taskforce. Señora minister por inormá pa nos, kiko ta status di e trabounan, i informá nos den realshon ku e responsabilidat di señora su ministerio?
E insidentenan sibernétiko por tin konsekuensianan pa seguridat di pais. Nan ta keda reportá na Servisio di Seguridad di Kòrsou (VDC)? Si no, dikon no?
Insidentenan sibernétiko por resultá den un desaster nashonal por ehèmpel riba area di komunikashon, suministro di awa i koriente dor di Aqualectra, hospitalnan, bankonan, èts kai afó. A informá Directie Risicobeheersing & Rampenbeleid, si no, dikon no?
E insidentenan sibernetiko por ta resultado di krimennan digital, a reportá na KPC i Ministerio Público? Si no, dikon no?
Tin kaso den kua ya a konstata ku’n delitu sibernétiko (hacking, ransomware, spam, chantahe digital) a tuma luga? Si ta asina, kiko ta e estado di e investigashon di parte di Hustisia of KPC?
Minister ta dispuesto pa informá Parlamento periódikamente tokante estado di siguridat sibernétiko den departamentonan i servisionan di Gobièrnu, kompanianan i fundashonnan di gobièrnu, inkluso rekomendashon di eventual CERT(s), CARICERT i College Bescherming Persoongegevens?
Den e konferensia di prensa di 31 di yüli 2025, Minister di Trafiko i Transporte a informá di un fushon entre CORE N.V. i Blue NAP Americas. Na e momentu aki CORE N.V. por deskonektá for di Blue NAP Americas si ta nesesario; e union aki por aumentá e vulnerabilidat di datonan personal di hende na momentu di un “hack” of virus. Ki medidanan spesífiko tin den kuado di maneho pa redusí riesgo di atakenan sibernétiko?