Diasabra ultimo tabata e dia cu pastoor Balootje a haci su yamada na comunidad di Aruba pa por logra converti e trailernan cu tin den un centro pa rehabilitacion pa hende muhe cu tin problema cu adiccion , social y emocional. Segun pastoor Balootje e dia a bay bon unda cua haci e tereno limpi y tambe a haci e trailernan limpi , y basta persona a trece material , pero tambe basta compania a yama y duna nan sosten na fundacion fortalesa pa famia y ta duna sosten na e plan di regabilitacion di hende muhenan den nos comunidad.
E poblacion di Aruba a contribui y esey ta importante unda cu ta mira e necesidad di e fundacion pa e bon causa cu tin na caminda. Sinembargo ainda tin e posibilidad cu cada ken cu tin material y cu kier duna nan contribucion por haci esaki libremente.
Un danki na tur persona cu a presenta y cu a contribui cu material y tambe tur e yamada nan cu tin pa pasa busca e materialnan na nan cas. Tambe ta gradici Ecotech cu a yuda cu baki unda cu por a haci un limpiesa total . Un danki ta bay na Kooyman, Do it Center cu tambe a yama y kier aporta na e bunita proyecto aki ,pesey mes ta yama un danki di antemano.
Awor cu a haci limpi e meta ta keda pa keda enfoca pa yega na e centro di rehabilitacion pa e dama nan cu ta e prome parti , pero tambe ta enfoca pa crea e cushina pa haci cuminda pa e muchanan cu ta bay cas merdia y no tin cuminda pa come.
E prome stapnan a cuminsa y ta gradici tur boluntario cu a bin duna un man , e ta un inicio di un proyecto grandi na caminda. Pa esnan cu ta interesa ainda di haci cualkier donacion por yama libremente na 7403237 of 6619150
