Delegacion di Islanan BES a bin Aruba pa haya sosten di gobierno y parlamento di Aruba

Delegacion di islanan BES Boneiro Saba y St Eustatius ta busca sosten na islanan ruman Aruba, Corsou y St Maarten. Actualmente e islanan BES ta confrontando basta problema cu Hulanda riba cambionan den e WOLBES y FINBES , E WOLBES ta mane e staatregeling cu e islanan tin cu Hulanda.
Sinembargo e islanan a tuma nota cu Hulanda a haci algun cambionan via di “internetconsultatie” unda cu a bin mira cierto cambionan cu ta proponiendo na e momentonan aki cu a acorda na maart 2024 na Hulanda unda cu tres isla hunto SABA , St Eustatius y Boneiro hunto cu staatsecretaris e tempo ey van Huffelen hunto cu su ministerio BZK a reuni tres dia largo via di un webconferentie pa por yega na afsprakennan lijst. E islanan BES a trata di basha awa den biña di tur forma pa por a yega na acuerdo nan cu tur isla por carga y Hulanda tambe. E proceso cu mester a sigui prome ta pa por implementa e areglonan cu a keda palabra den e acuerdo.
Segun Benito Dirksz di lider di fraccion di UPP pa nan sorpresa na januari 2025 e islanan BES a cuminsa haya e prome reaccion di e Staatssecretaris Zsolt Szabó cu ta esun nobo cu a bin dspues cu van Huffelen a baha. Lamentablemente Staatssecretaris Zsolt Szabó no a bin trece nada positivo debi cu a cambia e decisionnan y e acuerdonan cu a traha. Staatssecretaris Zsolt Szabó a bin haci cambio den e acuerdonan aki cu e islanan no a acorda den e palabracionnan.
E tres islanan BES Boneiro, St Eustatius y Saba a uni mesora y hasta a biaha pa Hulanda pa pone e situacion aki na nan atencion di Staatssecretaris, pero tambe na Eerstekamer y Tweedekamer. E Staatssecretaris a acepta pa por a reuni cu ne, pero no a acepta pa por drenta cu e consehero principal cu ta un profesor cu ta sostene y guia e islanan BES den henter e proceso.
E actuacion di Staatssecretaris a pone cu e islanan no a tuma su sistema y manera di impone y trata e islanan di e manera aki y esaki a trece un conflicto na momento cu no kier a acepta e consehero principal pa drenta den sala hunto cu e islanan. E situacion aki a pone cu no a reuni cu e Staatssecretaris , pero a laga un delegacion chikito unda cu un hende di cada isla a drenta pa entrega un documento unda cu ta bisa claramente cu e islanan BES kier bay bek mesa debi cu tin cambionan cu a wordo haci fuera di e acuerdonan cu a traha.
Sinembargo no a tende nada mas , pero awo cu e Staatssecretaris nobo a bin sinta a haye cu un situacion cu nan ta propone e cambionan cu nan ta bin cu awo mas ainda unda cu ta mishi cu e autodeterminacion di e islanan. Segun Benito Dirks di Boneiro e proceso cu ta tumando luga ta inaceptabel, e proceso ta bisa abase di articulo 209 di WOLBES cu Hulanda mester bay mesa cu e tres islanan prome cu haci cambionan fundamental den WOLBES y esaki no a tuma luga.
E tres islanan a haya nan mes cu un sorpresa cu dia 2 di september ultimo por a tuma nota cu riba internet a subi consultatie pa e cambionan cu tin proponi den e WOLBES. Pa e islanan loke cu Hulanda ta haciendo ta dimas y no ta respeta e islanan. Fuera di tur contexto e situacion aki ta inaceptabel pa e islanan BES , pero tambe mirando e rapidez cu Hulanda ta tumando decisionnan sin consulta cu e islanan. Pa e motibo aki mes e islanan BES a tuma e decision cu nan lo biaha pa e islanan CAS esta Corsou , Aruba y St Maarten pa bishita parlamento y gobierno di e tres pais nan pa por pidi nan sosten den e caso aki mirando cu Hulanda no ta duna e islanan BES oido.
E islanan BES ta pidi e sosten aki na e gobierno y parlamento di e islanan debi cu pronto lo ta bay tin un reunion na IPKO cu lo tuma luga entre e tres Pais nan hunto cu Hulanda. Debi cu e islanan BES no tin un voz den IPKO via di nan parlamento ta pidi e tres islanan vocifera e islanan BES nan dolor y preocupacion di e manera cu Hulanda ta trata e islanan di Boneiro, St Eustarius y Saba.
E sosten ta wordo pidi na e parlamento di Aruba, Corsou y St Maarten pa bay IPKO cu ne y e tres parlamentonan hunto ta vocifera e peticion cu a ricibi pa sostene e islanan BES den nan lucha y preocupacion cu nan tin y di e mes un manera pa mustra Hulanda cu di e manera cu ta trata e islanan BES ta inaceptabel.
Lider di UPB Benito Dirks di Boneiro ta kere cu a yega tempo pa e seis islanan aki bini hunto, sin drenta den e asunto di relacionnan estatal uni y forma un plataforma y hunto contradeci loke cu Hulanda ta impone riba e islanan, of sikiera busca e manera di bay mesa bek pa e negociacionnan. Mester uni como seis isla ruman pa por atende e asuntonan cu Hulanda. Tambe Benito Dirksz di Boneiro ta lamenta cu e reunion na Aruba no a tuma luga publico pa asina e pueblo haya sa kico ta pasando den region entre e islanan y na mes momento ta lamenta cu no a ricibi e sosten por escrito di parlamento completo di Aruba, Solamente e sosten oficial a keda ricibi di fraccion di MEP y PPA pa por uni cu e otro parlamentonan pa asina manda e mensahe den bloke den reunionnan na IPKO.
https://www.youtube.com/watch?v=3Scz7E6Vjh0