Lider di fraccion di PPA Otmar Oduber ta indica cu practicamente e islanan BES a bin bati na nan porta pa pidi yudansa mirando cu nan ta sinti cu Hulanda ta abusa completamente di e autoridad cu tin riba nan, esaki practicamente ta e mes un discusion cu Aruba tin na e momentonan aki. E delegacion a duna parlamento di Aruba full un presentacion cu fechanan y tambe kico ta e areglo di participacion na momento cu tin cambionan cu ta concerni e islanan. Cambionan cu a palabra no a tuma luga y esaki tin nan preocupacion cu Hulanda no ta respeta e ley y reglanan cu tin. Segun Otmar Oduber mes un cos cu e islanan BES ta pasando ta practicamente loke cu Aruba ta pasando na e momentonan aki. Hulanda sin consulta cu e islanan a dies cambia e ley sin consulta y practicamente loke cu Hulanda a cambia lo pone cu e islanan lo perde gran parti di nan autonomia. E discusionnan den parlamento tabata hopi fuerte, pero lamentablemente un biaha mas presidente di parlamento no a pone e reunion publico pa asina Aruba completo ta haya sa y mira kico realmente ta pasando y kico ta loke Hulanda ta haciendo cu e islanan BES , pero tambe cu Aruba. Parlamentario Otmar Oduber ta indica cu lamentablemente pa falta di conocemento politica tin un negligencia total di fraccion di FUTURO y AVP .
Sinembargo pa busca e union y pa sostene e islanan ruman fraccion di PPA a propone na sala pa bin cu un steun brief pa e delegacion tin siguransa cu e carta aki parlamento di Aruba lo sostene nan den IPKO. E mes un sosten aki e islanan BES lo bay pidi na Corsou y St Maarten. PPA a propone pa duna nan e sosten oficial via di un carta mirando cu Aruba ta pasando den e mes un situacion na e momentonan aki , lamentablemente fraccion di FUTURO y fraccion di AVP ta ireconocibel y sin argumento y hopi zwak. Politicamente ta bisa den un reunion di sosten na e rumannan di islanan BES cu nan no ta sostene e carta paso moralmente lo sostene e islanan y cu lo sali pafo den reunionnan y bisa cu ta sostene e islanan, un comportacion cu solamente ta demostra e inmadurez politico y no sa kico nan ta haciendo den parlamento. Parlamentario Otmar oduber no ta compronde e insistencia dicon no por tin e reunion aki publico y ta keda sconde tur informacion pa pueblo di Aruba y e pueblonan di islanan BES. Lo tabata di hopi importancia pa pueblo haya sa kico e islanan BES aki ta pasa den man di Hulanda y cu awe nan ta pidi yudansa na e islanan CAS pa duna nan e sosten den IPKO pa manda e mensahe pa Hulanda. Lamentablemente ta sinti cu e delegacion a bay hopi defrauda di actuacion y no sosten real di fraccion di FUTURO y AVP den parlamento di Aruba.