Lider di fraccion di MEP Evelyn Wever Croes ta indica cu e reunion cu delegacion di islanan BES, e islanan ta preocupa debi cu Hulanda kier cambia dos Rijkswet di nan WOLBES y FINBES sin consulta cu nan y sin cu nan sa cu locual cu ta pasando. Na mes momento Hulanda a tuma a decision pa tin un internet consultatie unda cu ta consulta cu henter Hulanda unda cu 18 miyon persona y den Caribe 37 mil hende nan entre e islanan di Boneiro St Eustatius y Saba. Banda di esaki Hulanda no ta consulta cu e Eilandsraad y bestuurscolege na e islanan. E actutud aki cu Hulanda tin cu e islanan BES a laga lider di fraccion di MEP Evelyn Wever Croes hopi impresiona, pero asina devastador no a pensa cu e situacion cu Hulanda ta. Ta di lamenta con Hulanda ta maltrata e islanan Bes. Staatssecretaris ta falta e islanan respet ta prohibi pa conseheronan di e islanan BES drenta cu nan den reunion, pero Hulanda si ta drenta cu 10 consehero un modus operandus di poder cu Hulanda ta hunga cu e islanan den Caribe. Lider di fraccion di MEP a gradici e delegacion cu nan a bin Aruba y cu nan ta mustra e balentia di lucha y cu fraccion di MEP tey pa nan y sostene nan. Fraccion di MEP a presenta un carta pa brinda sosten na e islanan BES y e delegacion a pidi pa por pone e sosten riba papel y pesey mes a bin cu e carta, pero lamentablemente fraccion di MEP y PPA so a firma e carta di sosten oficial, pero fraccion di FUTURO y AVP a bisa cu ta sostene e causa unda cu nan tambe ta condena e trato cu Hulanda tin cu e islanan, pero lamentablemente tanto fraccion di FUTURO y AVP no tin e curashi pa pone riba papel.
Lider di fraccion di MEP Evelyn Wever Croes ta duna di conoce cu loke cu ta pasando cu e islanan BES, Aruba por identifica su mes cu loke cu ta pasando na Aruba. Gobierno nan ta pasa riba parlamento haci loke nan ta kere cu nan tin di haci sin consulta, sin papia unda cu despues Aruba tin cu enfrenta consecuencianan enormemente grandi. Loke cu ta pasando cu e islanan BES ta un momento pa Aruba reflexiona unda cu di parti di AVP y FUTURO ta dos fraccion sumamente debil den parlamento di Aruba. Tanto fraccion di AVP y FUTURO no ta madura politicamente y no tin un conocemento di politica.
Lider di fraccion di MEP tabata bon cla cu tanto fraccion di AVP y FUTURO ta politiconan cu no tin experiencia, den bida na momento cu bo tin cu negosha y bo meta semper ta keda na mesa, bo ta kita y bo ta duna y esey ta negosha. Si mester negosha algo y den 5 minuut e ta cla esey no ta negosha esey ta compra y benta, na momento cu bo ta negosha bo ta bay mesa no tin nada di haber cu back track pero e tin di haber cu e forma con bo ta negosha.
Na mes momento lider di fraccion di MEP Evelyn Wever Croes ta indica pa loke ta trata e bestuurlijk akkoord cu a wordo firma aña pasa ta abase di un negociacion cu no a termina , pero e gobierno nobo su tarea ta pa a sigui negosha na mesa, y manera cu e gobierno di AVP –FUTURO no sa negosha y nan a hinca Aruba den e situacion cu Pais Aruba ta na e momentonan aki. Segun lider di fraccion di MEP loke cu tin riba mesa na e momentonan aki Aruba no por Sali afo mas.
https://www.youtube.com/watch?v=20FO1Gfty2o