ORANJESTAD,Aruba
Parlamentario Alan Howell den cuadro di e cambionan cu a tuma lugar tanto den Parlamento como den Gobierno, a manda palabranan di felicitacion pa tanto Marisol Lopez-Tromp y Dellanire Maduro. Marisol Lopez-Tromp a asumi diamars e posicion di Minister di Desaroyo Teritorial, Infrastructura y Medio Ambiente despues di 10 aña den Parlamento, y ultimo 2 aña como lider di fraccion di POR di cual Alan Howell ta forma parti di dje tambe.
Dellanire Maduro, candidato di POR a huramenta dialuna dilanti Gobernador como parlamentario nobo y awo e ta asumi e posicion di lider di fraccion di POR, un tarea hopi grandi y di cual Alan Howell ta sigur cu el lo sa di realisa hopi bon.
Alan Howell a gradici Marisol Lopez-Tromp pa tur e apoyo, sosten y guia cu el a dune ora cu el a drenta Parlamento y ta desea e Minister hopi exito den su carera nobo, unda cu e ta sigur el lo haci un tremendo trabou tambe mirando tur e experiencia cu e tin caba como Minister di Infrastructura den pasado.
