Nos ta bibando den un tempo trabahoso, caminda hopi cos ta wordo haci bao capa di moda, pero cu no ta asina.
Na prome lugar e asunto di hende homber cana sin faha den su carson,
Cu su carson ta cay,
Te bao di su atras y su panja di abou ta sali,
Su carson ta serca di baha na su rudia,
Y e no ta hise pone bek na su barica manera un homber mester tin su carson, no ta moda, ta un spirito di sensualidad, cu ta degenera y baha honor y balor di hende homber tin su mente domina.
Mayor tene bon cuenta cu esey y papia cu bo yiu pa bo convence pa no participa den e bagamunderia ey, Pasobra maldad y sensualidad ta drenta moda, pero no ta nada di moda, e ta un instrumento diabolico di inmoralidad. No laga ningun hende ganja boso.
Awor awendia rebeldia ta presenta hunto cu sensualidad, pasobra bo por tende e frase conoci”Ni un hende no tin nada di bisa mi, mi ta bisti manera mi kier, pasobra ta mi placa a cumpre” ora nos tende e palabra ey laga nos haci hopi oracion pa e persona, pasobra nos ta mira cu locual ta para scirbi den 2 Timoteo 3:1-5 ta domina su mente, especialmente caminda palabra ta bisa: Sin dominio propio,arogante, odiado di loke ta bon.
Ta tempo pa desenmascara e asunto aki pasobra hopi ta kere cu ta na moda, pero e cos aki ta leu for di moda e ta influencia di e spirito di sensualidad, cual cu Bijbel ta bisa bon cla den Galationan 5 :19-21 cu hende sensual lo no hereda e reino di Dios, pasobra e ta un obra di carni cu ta aparta hende for di Dios.
Ora un hende muher den su bistimento mester demostra parti di su curpa, pensando cu asina e ta mustra sexy of bunita, e ta bao di e enganjo di spirito di sensualidad, sin cu e sa un spirito malo ta domina su mente, pasobra e palabra di Dios ta bisa cu curpa di hende ta tempel di Dios, y Dios no ta contradeci su mes, Dios su palabra ta bisa pa hende glorifica Dios den nan curpa.( 1 Corintionan 6:19-20).
Un hende muher door di bisti indecente, ta bira instrumento di tentacion, pensando cu e ta keda sexy, pero alcontrario e ta los deseo di pica den bida di otro hende.
E mundo ta yena cu maldad, bistimento indecente ta wordo yama sexy, y esnan cu no tin e conocemento ta cay aden, y hasta tin hende ta bisti panja di un size mas chikito cu ta normal pa nan mustra sexy.
A yega asina lew cu fabrica ta produci panja sexy pa asina esnan cu ta wordo domina door di e spirito di sensualidad keda den nan scuridad.
Hopi biaha un persona ta bay solicita sexy bisti pa e hanja trabao, pa e impresiona, pero cu esey e no ta logra, pasobra awendia prome cu duna un hende trabao, ta bin e parti informativo di su bida, y esey hopi biaha bo por mire riba nan red social y asina e persona no ta hanja trabao, aunke cuanto bon papel e tin pasobra e donjo di trabao, no kier sensualidad den su compania.
Un lider spiritual mester coregi e carnenan cu Dios a dune bao di su cuido, pasobra e carnenan no ta di dje, e carnenan ta di Dios, y e tin cu duna cuenta na Dios.
Sensualidad no tin entrada den e presencia Santo di Dios.