FeaturedLocal

Carlos Santiago OLY a comparti hopi conocemento di e plataforma “Athlete365”

54880654956 99Ac581941 K

Carlos Santiago OLY a comparti hopi conocemento di e plataforma “Athlete365”

Algun siman atras “Aruba Athletes’ Commission” (AAC) a organisa e prome “Athletes’ Forum” na Aruba unda a conta cu un gran presencia di atletanan di hopi diferente deporte. Como esaki tabata e prome foro grandi cu a ser organisa door di Comite Olimpico Arubano (COA) y AAC, a percura pa invita un persona special pa asina por comparti un gran cantidad di informacion y contenido cu sigur tin su balor agrega pa tur atleta presente.

Como invitado special pa e foro aki a invita Carlos Santiago OLY, un atleta Olimpico di Judo (Sydney2000) cu awo ta educador di e plataforma “Athlete365” , ademas di ta forma parti di Comite Olimpico di Puerto Rico como miembro ehecutivo y ta miembro di e comision di atleta di PANAMSPORTS y Comite Olimpico Internacional IOC). Carlos a prepara varios tayer pa e foro di atleta, entre otro e derechonan di atleta, “Public Speaking” y e plataforma “Athlete365”.

Carlos a percura pa organisa e tayernan den un manera hopi interactivo y dinamico, unda a mira un nivel di participacion hopi halto di tur presente. Banda di esaki, a mira gran interesa di e hobennan pa cu e topiconan como a haci varios pregunta pa asina miho comprende e temanan cu a ser presenta. Finalmente, Carlos a participa den e sesion cu e atletanan Olimpico, compartiendo asina nan experiencia como atleta y nan bida despues di nan atleta. COA y AAC ta gradici Carlos pa su tremendo presentacionnan y di a comparti tur su conocemento cu nos comunidad deportivo. #TEAMARU

54880944645 7D986Ec6Ab K54879785682 6D0C0C6Ae7 K54879786337 22031E5Df2 K54880700091 5B16Dd9D4E K54879785577 E88C81A106 K

Related posts

Oportunidad pa forma parti di Formacion Social: Inscripcion ta habri te comienso di augustus

EA News Author

Rotterdam celebrando dia di Rey despues di dos aña cu no tabata posibel

EA News Author

Fiesta ‘Tempo di Filomena’ ta na Chinese Club

EA News Author

Leave a Comment

Whatsapp Message