Nos grandi nan no ta bay un dokter pa smaak, segun Ivo Valdes ningun hende no ta bay un dokter pa smaak, tur hende ta bay un dokter paso tin mester di ayudo y kier ayudo na momentocu tin mester di dje, y no 5 luna despues.
Ivo Valdes di OPPA lamentablemente ta indica cu un cantidad grandi di persona a muri sin cu nan a haya nan yudansa na dokter debi cu nan mester warda luna nan largo pa haya un cita. Sabiendo e situacion aki ningun musca no ta bulando pa drecha e situacion den e sistema medico cu nos tin na Aruba.
Sinembargo OPPA no ta keda keto y a vocifera esaki caba den varios reunion, y ta haya contesta cu e cantidad di hende grandi ta halto y ta natural cu nan ta muri mas hopi tambe. E contestanan aki ta inaceptabel debi cu ta nos grandinan a traha pa e Aruba cu tin awe y Aruba no ta un Pais cu no ta desaroya.
E minister di Salubridad publico tin mester di data pa adapta su maneho, berdad tin un AZV pero e AZV ta solamente cure y no care .
CURE cu ta e proceso pa sana un enfermedad y CARE e atencion, cuido y sosten cu un persona ta haña durante un tratamento of situacion di salud, mescos si no tin un “cura” completo.
Sinembargo pa añanan largo ta pidiendo pa nos grandinan haya un cuido necesario y no ta hayando esaki debidamente. Si berdaderamente ta haya e cuido necesario e cantidad di hende adulto mayor cu ta muriendo lo baha , esaki ta loke nos sistema kier?, of debi cu e cantidad di nos grandi nan ta grandi kier elimina nos grandi nan ? Si ta esaki ta e pensamento, segun Ivo Valdes , ki tipo di Pais nos ta creando ?
Segun Valdes tambe por a tuma nota cu e mes un hende nan cu ta opone y ta critica cierto cosnan awe, nan no ta pensa cu un dia nan lo bira grandi ? Of nan mes un mama cu tata no ta bira grandi ? of kier pa nan muri na un edad jong ? Segun Ivo Valdes e situacion di nos grandi nan ta fastioso na Aruba. Sinembargo nada no ta cambiando na Aruba , gobierno ta cambia pero te na e momentonan aki no a mira ningun maneho pa nos grandi nan.