Rechtbank Den Haag a dicta cu e actual klimaatbeleid di Hulanda no ta sufisiente y ta resulta den violacion di derecho humano di habitantenan di Boneiru. Den un caso presenta pa ocho Boneiruanan hunto cu Greenpeace, e Estado ta wordo obliga pa establece metanan di clima mas estricto y pa implementa medidanan di proteccion especifico pa e isla.
E rechtbank a determina cu Hulanda mester formula metanan di clima nobo y vinculante dentro di 18 luna y cu pa 2030 mester tin un plan di proteccion pa Boneiru pa combate e efecto di cambio climatico, manera calor extremo y subida di nivel di laman. Segun e uitspraak, Boneiru ta wordo trata desigual compara cu Hulanda Europeo, loke ta constitui discriminacion y violacion di derecho humano.
Greenpeace a califica e decision como historico, mientras cu e eisernan ta bisa cu e uitspraak ta marca un punto di virada y cu awor ta necesario pasa na accion concreto.