FAA/SAR Silver Alert ta haci un yamada urgente na tur personanan cu a ricibi Certificado di Preparacion pa Buskeda di Adulto Mayor Perdi, pa tuma contacto inmediato y yuda den un operacion di buskeda.
E persona desaparecí ta James Wathey, mihó conosi komo James “Magaré” (Piscadó). Segun informashon di famia, parse cu sr. Wathey a sufri un stroke chikí (TIA) recientemente. Tin posibilidad cu e a experencia un otro episodio, loke por a causa desorientacion.
Ultimo informacion conoci
Sr. Wathey a wordo mira pa ultimo biaha na banda di Pieter Boer School na San Nicolas. Informacion ta indica cu e a bishita Minimarket Herbie’s, situa na Clavelstraat 19, na huki di Isaac Wagenmakerstraat, Geermanstraat y Clavelstraat, pa cumpra cuminda.
Descripcion di bisti
Segun e ultimo informacion, sr. Wathey tabata bisti:
- Camisa preto cu blauw
- Carson cortico color blauw
Situacion critico
Organisacionnan di buskeda ta recorda cu den caso di persona mayor perdi, cada ora ta conta. Ta conoci cu despues di 48 ora, un buskeda ta bira hopi mas critico.
FAA/SAR ta pidi tur boluntarionan certifica pa tuma contacto inmediato pa mas informacion tocante e operacion di buskeda.
Cualke persona cu tin informacion relevante ta wordo encurasha pa notifica e organisacion di inmediato.