E buskeda intensivo pa e homber Milton Frans, kende a keda reporta como perdi despues di a bay snorkel, a conclui de forma tragico. Awe mainta trempan, autoridadnan di rescate a topa cu e curpa sin bida di e homber di 30 aña di edad den e area di bahia di Sorobon.
Segun e prome informacionnan, e buskeda a inicia despues cu e victima a bay haci e actividad di snorkel y no a regresa,. Un operativo di buskeda a keda desplega pa asina trata de localisa Frans mas pronto posibel.
Tabata den oranan trempan di mainta cu e teamnan di rescate a reanuda e labornan di buskeda, y lamentablemente a encontra e persona meimei di e matanan di mangel den e mesun bahia di Sorobon. Autoridadnan a presenta na e sitio pa sigui procedimento y investigacion di e caso.
Milton Frans tabata un persona basta conoci y kerí den e comunidad di Boneiro. Su perdida ta laga un bashi grandi specialmente den e mundo musical di e isla, caminda e tabata autor y interprete di diferente cancion y tabata destaca den e genero di rap. Amigo.
Nos ta manda nos mas profundo palabranan di condolencia y forsa na famia, amigonan y e comunidad di Boneiro den e momento nan dificil aki.
Noticia tristo na Boneiro: A localisa curpa sin bida di e conoci cantante Milton Frans na Sorobon
