Tur hende mester crece spiritualmente pasobra e sabiduria di Dios ta pa tur hende.
E palabra di Dios ta pa tur hende y Dios no tin acepcion di persona.
Pero tin cosnan cu por sosode den nos bida cu berdaderamente ta stroba nos crecemento spiritual.
Y ta cosnan cu nos mester tene cuenta cune pa nos biba den boluntad di Dios, y hereda reino di Dios.
Orguyo,
Arogancia,
Mal amistad,
Perversidad,
Falta di pordon,
Palabra malo,Inmoralidad ,
Falta di oracion y bishita na cas di Dios,
Falta di lesamento di bijbel.
Ora no tin crecemento spiritual nos ta keda vulnerable pa tur atake di e enemigo. Pa tur locual cu e por bini cune, nos lo cay den su trampa.
Pesey como cu nos tin un nubia grandi di testigonan ta rondia nos,laga nos pone un banda tur strobacion, y e pica cu ta mara nos asina facil, y cu perserverancia laga nos core e careda cu ta poni nos dilanti, fihando nos wowo riba Hesus e autor y cumplido di fe.( Hebreonan 12:1).
No laga nos sigi biba henter nos bida y bisando tur dia cu nos no ta perfecto, pero lesa bon y comprende kico e palabra di Dios ta bisa:
Tur Scritura ta inspira pa Dios,y ta util pa sinjansa , pa reprendemento,pa coreccion,pa educa den husticia. Pa e hende di Dios, por ta perfecto. ekipa pa tur bon obra.( 2 Timoteo 4:14-17).
Awor nos ta hende di Dios buscando perfeccion den Cristo Hesus, pasobra e palabra di Dios ta bisa den Romanonan 6:14:Pasobra pica lo no tin dominio riba boso,pasobra boso no ta bao di ley, ma bao di gracia.
Anto mas cla ainda e ta para scirbi den Galationan 5:1 bisando; Ta pa libertad Cristo a haci nos liber, pesey keda para firme,y no sea someti atrobe na yugo di sclavitud.
Den 1 Corintionan 15:33 ta para scirbi: No laga ningun hende ganja boso, Mal compania ta danja bon custumber. Esey ta nifica tene cuenta den compania di ken bo ta anda.
Un di e cosnan cu ta stroba hende di crece spiritualmente ta Flohera,
Floho pa haci oracion,
Floho pa bay iglesia,
Floho pa alaba Dios,
Floho pa evangelisa,
Floho pa traha pa Senjor, hendenan cu tin tempo pa tur cos, pero asina cu tin cos di Dios envolvi nan ta bira floho.
Flohera ta ruman di pobresa no solamente financiero pero tambe spiritual.Palabra di Dios ta bisa: Den tur trabao tin ganashi,ma djis papia cu boca so ta conduci na pobresa.(Proverbionan 14:23).
Den Mateo 25:24-28. ta para scirbi con Dios ta trata cu flohera y falta di sinceridad.
Esun cu midi su palabranan tin conocemento,y esun cu tin un spirito calmo ta un hende di comprendemento.( Proverbionan 17:27).
Dios tin nos comportacion masha na cuenta, con nos ta comporta como yuinan di Dios, corda locual Pablo a bisa Timoteo de 2 Timoteo 3:10, cuanto cos e a splica Timoteo bisando: Ma abo sigi mi sinjansa, conducta,proposito,fe, pasenshi,amor,perserverancia.
Pablo a splica tambe den 2 Timoteo 3:12 bisando,Ydi berdad,tur hende cu ta desea di hiba un bida santo den Cristo Hesus lo wordo persigi.
Pesey nos mester para firme den nos Fe y no hiba un bida di paranda, pasobra nos no por sirbi dos Dios, nos tin di para pa locual nos ta papia.
Nos no por sirbi dos Dios, tampoco nos por come for di dos mesa, ta imposibel cu cabes y curason ta den santidad y curpa ta gosa den mundo, e palabra di Dios ta bisa cu henter nos curpa ta pertenece na Dios , y nos curpa ta tempel di Spirito Santo.