Un milestone pa e mundo di bienestar y salud mental na Aruba a keda marca cu e lansamento oficial di e buki “Understanding the Subconscious Mind”. E obra aki ta e resultado di mas cu dos decada di experiencia practico den e campo di hipnoterapia, ofreciendo un guia accesibel pa comprende e funcionamento interno di e mente humano.
Dicon nos ta haci loke nos sa cu no mester haci?
Cuanto biaha nos sa exactamente kico ta e decision corecto, pero tog algo den nos ta hala nos den un direccion diametralmente opuesto? Pakico ta asina dificil pa kibra custumbernan bieu, of di unda e reaccionnan automatico, miedonan y creencianan limitante ta orina? E buki aki ta drenta den e piesa di puzzel cu hopi biaha ta falta: e relacion entre e mente consciente y e mente subconsciente.
Skirbi na un idioma di tur dia y facil pa compronde, e buki
• Con bo cerebro ta procesa y siña patronchinan nobo.
• E motibo real pakico bo ta pensa y reacciona di cierto manera.
• Con pa logra cambionan duradero ora cu simpel “forsa di boluntad” no ta basta.
E autor Eddy Oduber ta enfatisa cu e buki aki no ta dedica unicamente pa persona cu ta interesa den hipnosis, sino pa cualkier ciudadano cu kier habri su conocemento y haya control riba su propio bida y decisionnan.
Obtenibel awor aki na Aruba
E buki ya ta disponibel pa publico general na Aruba. Tur persona interesa por adkiri nan copia na:
• Lugar: Nature’s Discount (Seroe Blanco)
• Prijs: Afl. 27,50 (o US$ 16,00)
E cumprador por opta pa paga na e siguiente maneranan:
1. Na efectivo: Directamente den e tienda di Nature’s Discount na Seroe Blanco.
2. Via Transferencia Bancario:
o Banco: Caribbean Mercantile Bank (CMB)
o Nomber di Cuenta: Aruba Hypnosis Center N.V.
o Numero di Cuenta: 24872107
o Descripcion di Pago: Book Subcon. –
Nota pa transferencia: Despues di haci e pago via banco, mester manda e comprobante pa e e-mail hypnosis@arubanet.com. Mientrastanto lo confirma e recepcion y lo avisa ora e buki ta cla pa wordo recohi na e tienda.
