FeaturedLocal

Hospitalista dr. Dave Lacle ta aboga pa cambionan structural duradero y ta bisa cu e plan ta cla pa ehecuta awor

Dave Lacle

Hospitalista dr. Dave Lacle a enfatisa cu Aruba mester yega na un solucion duradero pa e retonan den sector di cuido, señalando cu e structura actual ta rekeri evaluacion profundo y adaptacion pa por keda sostenibel den futuro. Segun dr. Lacle, aunke Aruba tin un nivel halto di cuido medico di cual nos por ta orguyoso, e ta un sistema costoso cu no por depende riba e mesun structura sin mas.

Structura actual mester wordo evalua pa futuro

Dr. Lacle a expresa duda si e structura existente por garantisa continuidad riba termino largo, indicando cu lo mester evalua con e situacion ta desaroyando awor aki. Sinembargo, e ta convenci cu door di traha hunto y pensa riba solucionnan comun, Aruba por logra mantene su nivel di cuido.

No ta necesariamente cuestion di hisa contribucion di AZV

Segun e hospitalista, e solucion no mester bin explicitamente door di hisa e contribucion of prima di AZV ni pone mas carga financiero directo riba tur hende. En bes di esey, dr. Lacle a indica cu mester implementa cambionan den e structuranan existente pa por resolve e problematica di un forma mas efectivo y duradero.

“E plan tey; djis mester ehecuta nan awor”

Dr. Lacle a subraya cu e conocemento y e plan pa atende cu e retonan ta disponibel caba. Segun e mandatario medico, sa kico mester wordo haci y e paso crucial awor ta pa cuminsa ehecuta e cambionan necesario sin mas tardansa pa proteha e calidad di cuido na Aruba.

Related posts

Autonomia di Aruba a permiti Gobierno di Aruba mitiga subida di combustibel; Tweedekamer lo tabatin e ultimo palabra bou di HOFA

EA News Author

E strategia di awor padilanti ta mantene Covid-19 bao control y percura pa un high season exitoso di turismo!

EA News Author

Trahando huntu pa un futuro sin violensia doméstiko i violensia kontra hende muhé – konferensia di trabou di No Mas No More na Sint Maarten

EA News Author

Leave a Comment

Whatsapp Message