Diadomingo 29 januari 2023 anochi pasa di 8:30 a sosode un accidente entre brommer cu un Kia Rio color cora.
Polis y ambulance a wordo pidi poco mas pabou di Wendy’s Cura Cabay, unda cu tin un accidente di trafico di auto cu brommer.
Ambulance tabata esun prome na e sitio y na yegada ta haya e motociclista ariba caminda y varios hende rond. Mesora a cuminsa brinda asistencia na e motociclista y alabes prepar’e pa bay abou cu ne o sea Hospital.
Caminda a wordo cera un rato pa asina polis di trafico haci su investigacion. Despues di un rato ambulance a sali direccion Dr.Horacio Oduber Hospitaal cu e motociclista cu lo bay ta ok. Despues cu polis a tuma dato di locual a sosode e caminda a wordo habri bek.
