Dialuna 30 januari 2023 algo pasa di 11’or y mey varios unidad di policial mester a bay un biaha mas altura di E.P.B Hato. Na altura di e snack lo tabatin un grupo, cu palo y hero ta bringa cu otro.
Dado momento cos lo a escala y nan lo maltrata un otro hoben y despues move di e sitio. Eynan polisnan a wordo informa unda e grupo/of persona a move y asina polis a logra intercepta tur.
Un grupo consistiendo di 5 hoben a wordo para y controla den sisalstraat y despues di algun rato por a mira cu polisnan a laganan continua nan caminda.
Den Caya Maguey altura di un Botique Hotel por a mira tambe dos agente a pone un homber ariba vloer, pero no por confirma si e la wordo deteni.
Mientrastanto ambulance a bay e snack pazuid di E.P.B Hato unda cu polis a topa cu un hoben herida y a wordo atendi door di Paramediconan. Eynan un biaha mas polisnan a tuma dato.
Durante cu tur esaki tawata pasando un hoben tawata coriendo bay direccion Pitastraat. Por a mira cu e tawata full soda y exicita.
Den un zijweg di Sisalstraat un patruya a bin topa cu e hoben aki, cu segun su version e tambe a wordo bati.
Polisnan a bay over na control’e completamente y despues a pidi pa Ambulance pasa y asina Paramediconan por check e.
Di tur e problema aki, no tin un bista cla di kico por a start e bringamento aki.
Den mayoria di e casonan aki, no ta facil pa haya sa 100% e origen di e problemanan aki.
