Dos dia largo y salanan completamente bendi tabata testigo di e show “Musical, Movies & More” di Pierewietje & Flash 2025!
Cu tur honor mi a asisti n’e evento Infantil y hubenil aki den e sala di Odres Nuevos na Sero Patrishi.
E gruponan bou direccion di T. Marta Figueroa, a sa di trece espectaculonan den trahenan colorido combina cu musica campeon. Algun di e shownan cu nos a presencia tabata Moana, The Lion King, Rio, Peter Pan, Lilo & Stitch, Winner (Thriller di Michael Jackson pa Sashah Figueroa interpreta) y mucho mas. Tur esaki anima na un forma unico y gracioso pa e unico y encantador MC, Melvin Garcia. E show a start na tempo y a cana bon te na final.
Pabien tur mayor, artista, juffrouwnan di actuacion y baile y tur miembro di e crew di Pierewietje & Flash.
Tur respet y cariño di mundo pa boso. E evento tabata oro pa nos wowo y oidonan. Aruba por ta orguyoso di e talento hoben di e gruponan aki y nos ta sigur cu nan ta cu nos pa mucho mas aña cu ta sigui.
