E Arubiano, expelotero di Grandes Ligas, Sidney Ponson ta invita henter pueblo di Aruba,specialmente piscadonan pa registra pa e gran torneo di Wahoo Shootout. E evento lo tuma luga dia 4 di december awo saliendo di Varadero.
Ponson, banda di un gran pelotero, ta un amante di pesca. P’esey tambe e prome evento di e fundación cu el a lanta, SIdney Ponson Charity Foundation, ta un torneo di pesca cu tin un premio grandslam di 25 mil florin.
E exbasebolista ta recorda cu e torneo aki no ta solamente pa botonan grandi, pero tambe pa esnan mas chikito. Tin premio pa tur categoría, di menos di 32 pia y pa e botonan riba 33 pia.
E lo bay ta un dia hopi ameno cu presencia di e expelotero di Grandes Ligas splicando kico ta e meta di su fundacion y con pueblo tambe por yuda cumpli cu e metanan aki.
Pa registra ta facil. Manda bo informacion via un whattsapp na: 5944326 of manda un email pa sidney.spcf@gmail.com. Tambe por subi Foundation page y bay direct riba whatsapp y Sidney mes lo atendebo.
Tin un entusiasmo grandi no solamente pa participa y gana “e pisca grandi” pero tambe pa contribui cu e metanan di Sidney Ponson Charity Foundation. Ki bo ta warda? “Wak pa bo liña ta na awa”.