BonaireFeaturedInternacional

Boneiru a yama bon biní na 16.905 bishitante stayover den luna di yanüari 2024

January 2024

Segun un mensahe di Tourism Corporation Bonaire

Resultadonan preliminar ta indiká ku den luna di yanüari 2024 Boneiru a yama bon biní na 16.905 bishitante stayover. Pa komparashon: na aña 2023 e kantidat total di bishitante tabata 16.483, miéntras ku na aña 2019 esaki tabata 14.800, loke ta indiká un tendensia positivo den trayekto di kresementu di turismo na Boneiru. Esaki ta nifiká un oumento di mas òf ménos 2,55% entre 2023 i 2024 i un kresementu supstansial di mas òf ménos 14,55% entre 2019 i 2024.

Bishitantenan for di Hulanda a keda e grupo di mas grandi ku 47% di e total, siguí pa e merikanonan ku 29,3%. Kòrsou, Canada, Alemania i Aruba tambe a kontribuí konsiderabelmente na Boneiru su sektor turístiko.

Na aña 2024 Boneiru a konosé un subida remarkabel di 22% serka bishitantenan merikano kompará ku e aña anterior, i un subida supstansial di 46% serka bishinantenan canades.

Notabel ta ku 44% di e bishitantenan a bini pa promé biaha, loke ta indiká ku Boneiru ta eksitoso den atraé biaheronan nobo. 56% tabata bishitantenan ku ta bini bèk, loke ta suprayá e reputashon fuerte ku nos isla tin riba tereno di loyalidat serka bishitantenan anterior.

Bishitantenan merikano a bini prinsipalmente for di New York, Florida, Pennsylvania, California i otro estadonan grandi. E gruponan di edat ku representashon mas grandi tabata esun di 55 pa 64 aña (24,8%) i esun di 65 aña bai ariba (27,6%), loke ta mustra riba interes fuerte serka biaheronan adulto mayor. Bishitantenan hulandes a bini prinsipalmente for di Noord-Holland, Zuid-Holland i Noord-Brabant, kaminda e gruponan di edat di 55 pa 64 aña (25%) i di 45 pa 54 aña (18%) ta dominá.

Mas aleu na luna di desèmber 2023 Boneiru a yama bon biní na 59.612 bishitante krusero riba 26 barku krusero.

Pa estadístikanan i informashon mas detayá tokante Boneiru su prestashonnan turístiko bo por bishitá nos wèpsait ofisial riba http://www.bonaireisland.com òf tuma kontakto ku nos via email riba info@bonaireisland.com. 

Related posts

No mester di tèst antigéniko pero si tèst di PCR ora ta bini Boneiru for di Kòrsou, Aruba i Sint Maarten

EA News Author

The Hilton Aruba ta celebra pensionadonan, nan logronan di pasado y bista pa futuro

EA News Author

Parlamentario Hendrik Tevreden (MEP): Eman ta pidi pa debate, haci cero pregunta y bandona reunion

EA News Author

Leave a Comment

Whatsapp Message