Boneiro completo a uni pa recauda fondo pa e muchanan cu a perde nan uniformnan y articulonan di deporte. Manera ya caba ta conoci algun dia atras pa sorpresa polis di Boneiro mester a bay cu urgencia na un container di 40 pia cu tabata na e tereno di Atletico Tera Cora (A.T.C) na caminda di Lac. Pa sorpresa tabata e container unda cu tur e uniformnan y materialnan tabata aden pa e muchanan por haci deporte.
Esaki tabata un momento hopi emocional y tristo pa A.S.T. Sinembargo na momento cu ta trata di mucha y hoben boneiro ta uni y mesora a lanta un team unda cu a cuminsa recauda fondo y a haci un ‘’Charity of Hope’’.
Sin duda e evento aki a bay exitosamente unda cu for di tur skina autonan a yega na e veld y a deposita nan contribucion. Sinembargo esaki no a keda na e pueblo so , comerciantenan cu a mira e tristo noticia tambe a dicidi di aporta, Manera Magero Laundry, BWM, cuerpo polisial, Bonaire Christian Fellowship, Titans, Real Rincon, Young boys i Yuventus, organisashon INDEBON y Bonaire holding maatschappij y tambe esnan cu a haci donacion directo via numbernan di banco, online y na telefon. E evento tabata di 9 or di mainta te cu 10 or di anochi. Parti mainta tabatin wega di mucha ATC vs Titans Friendl y Match. Anochi tabatin team di veterano cu tambe a hunga y duna di nan parti.
