Dyane Wiersma ta e persona encarga pa coordina tur loke ta trata e teamnan di dama di AVB for di aña 2020. Sinembargo 2021 tabata un reto den e mundo di deporte na Aruba. Sinembargo asina mes a percura pa bin cu dos coach di afo pa e teamnan di dama.
Segun Wiersma hopi hende tabata tuma futbol di damas como algo no mucho serio, pero tambe e tabata taboe, pero despues cu varios aña cu a pasa y cu despues cu mas mucha muhenan a cuminsa participa y mayornan ta para tras di nan yiunan, esaki sigur ta algo bunita di mira y ta pone cu e deporte di futbol di damas a bay dilanti tambe.
Awor cu un conexion di e tecnic director cu tabatin un contacto di afo, asina por a logra haya un contacto cu e coach nan internacional. Alex Pama no ta un persona desconoci den mundo di futbol di damas e ta Co fundador di R devisie di futbol di Hulanda. Alex a keda motiva Wierma mirando cu e tambe a pasa den mes un situacion un tempo unda cu Hulanda tampoco no tabata kere den e futbol di hende muhe, pero cu despues di tempo por a mira cu esaki a haya mas atencion.
Pesey mes ta importante pa sigui pusha y conscientisa nos mucha muher nan. E bishita di e coach internacional a trece mas gana den e muchanan unda cu nan a haci diferente techniek, tanto e grupo academico,pero tambe e seleccion di adulto cu ta bay tin compromiso nan dilanti.
Tambe abase di tur e techniek nan aki e coach a tuma nota den cua nivel Aruba ta y tambe ta mira e potencial di e deportistanan local. Loke ta un realidad ta cu den futbol di hende muhe e top nan den mundo ta di Merca y ta pa e motibo aki mes a scoge pa bay den e region di Merca unda cu a bin cu hopi experticio porehempel con ta coach e damas nan mirando cu e ta diferente na momento ta coach e mucha homber nan.
Segun Wiersma tambe Pama a tuma nota di algun mucha muhe di Aruba cu tin potencial pa futuro futbolistanan profesional. Aruba no mester perde fe dies sigui traha riba dje pa un dia logra weganan grandi pa Aruba entre e damanan. E logro aki no ta keda aki nan so, pero e next step ta pa por cera un parthnership, awor e prome stap ta di ricibi e rapport di Alex Pama cu lo haci entrega di esaki na AVB unda cu e lo pone recomendacionnan y kico ta loke cu su persona mes por ofrece.
Na momento cu ricibi e rapport lo e keda presenta na e board di AVB Y dicidi si nan kier acepta esaki. Si e rapport keda acepta lo mester sinta na mes back y cera un areglo di trabao y lo cuminsa wak con lo cuminsa traha cu otro unda cu e posibilidadnan pa e damanan deportista por hasta bay afo pa trainingnan intensivo.
