Awe ta dia internacional di Mangel/ Mangroven ta e dos maneranan cu nan ta keda yama, nan ta matanan cu ta crece na costa di lama. Segun Giancarlo Nuñes ta Research and Conservation Manager Aruba National Park Foundation (FPNA) nan ta matanan cu por crece den sali y pa e motibo aki mes ta wak nan ta crece hopi na costa di lama. E mangrovenan ta e unico matanan cu nos tin na Aruba cu ta bira grandi cu por contra salo y nan ta e vegetacion grandi cu ta tuma luga na costanan di lama.
Aruba tin 4 diferente sorto di mangroven na Aruba y un di nan ta e fofoti y ta wak varios di esakinan na Eagle Beach unda cu e fofoti ta e imagen principal di Aruba. Tambe tin e Mangel Tam nan cu tin na mangelhalto, pero tambe tin na spaanslagoen y isla di oro cu ta areanan cu ta haya mangel. Si mester mira e desaroyo di e mangrovennan nan ta crece of den awa of net banda di lama.
Na isla di oro y spaanslagoen tin e mondi grandi di mangel, na momento cu bishita e areanan aki casi bo no ta reconoce mes cu ta Aruba. Na momento cu un persona ta den e area casi por considera e parti aki cu bo ta sinti cu bo ta den un otro pais, e ta asina dificil pa considera cu ta na Aruba mirando e bunitesa y e berde den e area ta.
Sinembargo tambe e rifnan tin mangelnan cu ta crece, esaki ta na savaneta y barcadera. E mangelnan ta cay bao di maneho di Parke Nacional Aruba unda cu nan ta keda protegi y ta monitoria nan desaroyonan. E matanan di mangroven ta sumamente importante, na momento cu un pais tin un sistema saludabel di mangel unda cu tin hopi mangel ta creciendo e ta wanta e tera hunto y e ta proteha e costa.
Si imagina si tin un yobida fuerte of cu tin un tormenta cu ta pasa banda di Aruba unda cu e lama ta bira bruto ta kibra e costa y kibra e beachnan e mangel su trabao di naturalesa ta pa wanta esaki hunto. Tambe si tin mangrovenan cu ta crece den awa y lama bruto ta trece santo di lama aden e por keda pega den e mangel y asina e mangroven por crea mas espacio riba tera y di e manera aki ta proteha nos costanan.
E trabao aki cu e mangrovennan ta haci ta un di e partinan di mas importante cu nan ta haci pa conserva nos costanan cu ta encera hotelnan cu ta na e costanan y casnan cu tin na costa, pero diferente tipo di infrastructura cu tin nan costanan.
Giancarlo Nuñes Aruba National Park Foundation (FPNA) ta duna di conoce si e costa mester cuminsa kibra den e tempo di lama bruto e Pais ta haya menos espacio unda cu e beach ta bira mas chikito y e Pais ta cuminsa perde su infrastructura cu tin riba costa.
Sinembargo mester para keto un rato debi cu ya caba ta mira señalnan den e areanan na Divi unda cu tin diferente hotelnan unda cu nan tin full e costa cu no tin e mangroven nan mas y ta proteha nan mes cu barancanan cu eingelijk no ta yuda y e costa poco poco ta desaparece debi cu no tin vegetacion mas pa proteha e costa.
Click aki bao like y share
1 comment
[…] Source link […]