Awe Corte Supremo na Hulanda a tuma decision den e apelacion di Benny Sevinger, Leoncita Arends y Pieter Susebeek, contra nan condena den Corte Superior.
Por a compronde cu Corte Supremo a rechaza e apelacionnan y a confirma e sentencianan.
BENNY SEVINGER
Corte Supremo a dicidi cu e apelacion di Benny Sevinger contra su condena di Corte Superior ta keda rechaza. Corte Supremo a bisa cu e castigo di Corte Superior pa Benny Sevinger ta keda. Esey ta nifica cu Benny Sevinger ta keda condena na 4 aña di prison di cual 1 aña ta condicional. Ademas a prohibi Benny Sevinger pa 6 aña largo no por haya trabao den Gobierno y tampoco por postula su mes como candidato di organonan representativo. Corte Supremo ta haya Benny Sevinger culpabel di complice di horta Gobierno; di a laga su mes wordo cumpra; di malversacion.
LEONCITA ARENDS
Corte Supremo ta rechaza e apelacion di Maria Leoncita Arends y ta confirma e castigo di Hof di Corte Superior. Maria Leoncita Arends ta keda condena na 2 aña di prisom di cual 1 aña ta condicional cu un tempo di prueba di 3 aña.
PIETER SUSEBEEK
Corte Supremo ta rechaza e apelacion di Pieter Susebeek y ta confirma e castigo di Hof di Corte Superior. Pieter Susebeek ta keda condena na 30 luna di prison di cual 10 luna ta condicional cu un tempo di prueba di 2 aña. E 1.3 Miyon Dollar lo keda confisca.