Cu un pofundo tristeza y un curason pisa, Ministerio di Husticia ta anuncia fayecimento di colega di KPSM, Brigadier Keri Hyman, riba e anochi di 23 di april 2026.
No solamente a perde un oficial dedica, a perde un muhe cu a personifica servicio den su forma mas puro. Brigadier Hyman a sirbi e pueblo di Sint Maarten cu un compromiso firme, forsa, profesionalismo y integridad. E tabata riba e delantera di nos sistema di husticia cu resiliencia y un profundo sentido di deber, ganando e respet di su coleganan y e confianza di e comunidad cu el a proteha.
Su fayecimento ta laga un bashi cu ta wordo sinti den henter e cadena di husticia, specialmente den e famia di KPSM. Den e momento di duelo aki, nos ta para uni pa honra un bida di servicio cu a laga un marca permanente den nos organisacion y nos pais. Nos ta reflexiona riba su dedicacion, su forsa di caracter y e cantidad di formanan den cual el a contribui na e seguridad y bienestar di nos comunidad.
Na nomber di Ministerio di Husticia, e ekipo di maneho y tur personal di KPSM, nos ta extende nos mas profundo y sincero condolencia na su famia, amigonan y sernan keri. Nos ta spera cu nan por haya consuelo den e sa bera cu su servicio tabata importante, cu su trabou a haci un diferencia y cu su legado lo no wordo lubida nunca.
Cu su dedicacion sigui inspira nos tur, y cu e descansa den paz eterno.