A pesar di e pandemia y medidanan toch Corte den Promer Instancia Aruba a logra haci gran parti di e trabaonan cu diferente tipo di caso. Alabes a probecha pa accelara e trabaonan pa digitalisacion cual sigur a cay den bon tera cerca tur esnan cu ta traha den Corte y otronan cu traha diariamente cu Corte manera e.o oficinanan di abogado y tambe KIA.
E sistema di digitalisacion ta algo cu lo por sigui cu ne den futuro pa cierto trabounan, Persrechter mr. Debby Angela a splica. Sin embargo tin cierto casonan ta miho pa trata nan cu e persona presente den Corte. El a duna e ehempel di casonan penal. Esaki e ta kere ta e pensamento tambe di otro huesnan.
“Den caso di sospechosonan nan mester ta presente dilanti mesa bverde, dilanti di e hues pa por wak’e den su cara. Via di video conference un tratamento asina no ta mescos. Mi no ta hay’e bon.”
E magistrado a splica cu mester bay dicidi cu loke e sospechoso ta papi ata creibel. “Hopi biaha ora cu bo wak e persona den su cara personalmente, por mira su expresionnan di cara, si e ta gaña of no. Ademas, su abogado ta presente, nan por papia of consulta cu otro riba cierto preguntanan of loke e kier pa su Abogado bisa. E tin hopi bentaha pa traha un caso den Corte mes.”
Di otro banda, casonan Pro Forma, cual no tin e tratamento profundo y ta simplemente haci palabracion pa continuacion di e caso, no ta casonan cu ta tuma mucho tempo. No tin sentido pa trece e hendenan for di KIA te na Corte pa algun minuut. Esaki ta tipo di casonan cu si lo por bay via di video conference.