BonaireFeaturedInternacional

KPCN ta introdusí “bodycam” pa mas seguridat i transparensia

Bodycam Kpcn 2

Kuerpo Polisial Hulanda Karibense (KPCN) ta bai usa “bodycams” ofisialmente na Boneiru, Sint Eustatius i Saba. Ku e paso aki, KPCN ta fortalesé seguridat, transparensia i konfiansa entre polis i komunidat.

Mas protekshon pa e siudadano i agente polisial
“Bodycams” ta un kámara chikí ku e agente polisial ta bistí visibel riba su unifòrm. Nan ta hasi uso di dje den, por ehèmpel, kòntròl, akshon di mantenshon di lei, intervenshon i otro trabou operashonal. E teknologia aki ta graba situashon ophetivamente, ta stimulá akshon profeshonal i ta yuda redusí tenshon.

Pa e siudadano, e “bodycam” ta ofresé un seguridat èkstra ku nan interkambio ku polis lo bai na un manera hustu i kuidadoso. Pa e agente polisial, e imágennan ta fungi komo protekshon den kaso di situashon no masha kla òf keho. Ademas, e grabashon ta hasi posibel pa analisá insidente i mehorá akshon profeshonal konstantemente. Eksperensianan internashonal ta mustra ku “bodycam” ta fortalesé konfiansa mutuo i ta redusí kantidat di insidente.

Reglanan kla i liña di guia pa privasidat estrikto
KPCN ta usa “bodycam” segun protokòl kla. Agentenan ta bisti e kámara visibel i ta indiká ora nan kuminsá graba, por ehèmpel, dor di menshoná esaki verbalmente òf via un señal di kámara.

Ta warda e imágennan seif i ta hasi uso di dje solamente pa investigashon i tratamentu di keho ku regla di privasidat estrikto, kaminda solamente trahadónan outorisá bou di kondishon spesífiko tin akseso. E periodo ku ta warda e imágennan ta limitá i ta eliminá e imágennan ku no ta nesesario despues di un tempu.

Mas informashon?
Bo kier sa kon “bodycam” ta funshoná, ki ora ta hasi uso di dje i kon KPCN ta trata bo privasidat? Bishitá nos wèpsait: https://www.politiecn.com/pap/topiko/bodycam-na-hulanda-karibense.html

Bodycams Kpcn 3 ScaledBodycam Kpcn 1 Scaled

Related posts

Apesar di pandemia: Lotto ta sigui conta cu sosten di pueblo!

EA News Author

Brenchie’s Lab cu coleccion di data pa Ocean Science

EA News Author

Entrada hudicial riba investigacion di supuesto corupcion di otorgamento di tereno

EA News Author

Leave a Comment

Whatsapp Message