Siman pasa lider di partido POR, Alan Howell tabatin e placer di haci entrega di diploma na mamanan hoben cu a sigui e curso durante cuatro luna duna door di Agencia pa Desaroyo y Recurso Asistencial (ADRA). E curso cu e hobennan aki a sigui ta ‘From teenage Parent to Lifecoach’, durante cual nan a haya materianan cu lo por yudanan den nan futuro, entre otro, beyesa, cosemento, cushina, obra di man, salud mental, protocol, fortificacion spiritual y salud mental.
Lider di POR ta para fuerte riba e punto cu tur hende merece un chens pa por mehora nan bida y muy especial nos mamanan hoben. “E mamanan hoben aki ta bon prepara awo pa sigui hiba nan famia dilanti, ta exitoso den bida y un rolemodel pa un otro mama hoben. Pabien na cada un di e mamanan hobennan cu a gradua, na ADRA, na Sra. Alcidra Jansen Richardson como e directora cu a trek e proyecto aki y naturalmente na tur voluntario cu a duna e lesnan pa duna e hobennan aki un otro chens den bida”, Alan Howell a expresa.
Como regalo pa nan esfuerso, Howell a ofrece e mamanan hoben cu a ricibi nan diploma y cu ainda no tin rijbewijs, rijles completamente gratis na Whooz Next Rijschool
