Manera ya ta konosí Minister Hato den representashon di pais Kòrsou na India ta reuní ku delegashon di varios pais. Den kuadro di esaki Minister Hato asostené kòmbersashon bilateral na India ku representante di Republika Dominikano, sr. Rafael Feliz Martinez (Hefe di Interpol OCN na Santo Domingo). Den e kòmbersashon bilaterario a papia entre otro di migrashon, moneda kriptografiko, tratado di San Jose i kolaborashon entre INTERPOL Republika Dominikano i INTERPOL Curaçao. E reunion nan na India a bay den un bon ambiente y a logra combersa cu diferente ministernan di hustcia cu a participa na e reunion di Interpol na India. Tambe Minister di Husticia di Korsou y minister di husticia di Aruba por a combersa riba diferente topiconan.
Aparte di e tarea di partisipá i yuda formulá strategia di kombatí i prevení krimen NCB Kòrsou ta asistí su partnernan riba nivel nashonal ku “operational i data support”, ademas ta enfoká tambe riba e asina yamá “capacity building” ku varios trainingnan tantu den eksterior komo lokal, kual konhuntamente ku Sekretariado di INTERPOL na Lyon ta keda organisá. Trainingnan lokal mas resien ku NCB a organisá ta I-Arms november 2021 i RELIEF database training na mei dje aña aki.
Último tempu NCB ta enkurashá partnernan pa partisipá virtualmente tambe na diferente training i seminario pa asina àtkerí mas konosementu investigativo riba varios area di kriminalidat.
Un di INTERPOL su forsanan ta e “Operations” ku e organisashon madre ta tene regular tantu global komo regional na kual pais Kòrsou bou di koordinashon di NCB Kòrsou ta partisipá konhuntamente ku partnernan den field i semper ku hopi eksito. Pa menshoná algun “Operation Lionfish”, “Operation Pangea”, “Operation Trigger” i varios otro mas
